المربُّون: بيوتنا في خطر بسبب ارتفاع الأسعار

يشهد سوق المواشى هذا العام حالة غريبة من الركود، يرجع البعض هذه الحالة للحملات الأخيرة التى دشنها نشطاء على مواقع التواصل الاجتماعى بعنوان" بلاها لحمة" لمواجهة ارتفاع اسعار اللحوم فى الفترة الاخيرة حتى وصل كيلوا اللحمة فى بعض المناطق الى ثمانين جنيهاً، وهذه الايام بالتحديد على مشارف استقبال عيد الاضحى المبارك الذى يتميز بالإقبال على حجز الأضاحي لذبحها يوم العيد تقريباً الى الله عز وجل.

خلال جولة "الفتــــح اليـــــوم" لعدد من أصحاب المواشى المتواجدة بمنطقة مصر القديمة الأخص بجوار حى "الأماين" يقول؛ المعلم عادل ابو سلكة، البالغ من العمر 46 سنة "أنا صاحب المزرعة اللى أنت شايفها دى ببيع فيها عجول وغنم وعزب وجديان وكل حاجة".

وأكد "أبو سلكة" صاحب المزرعة الموجودة بمنطقة مصر القديمة، على أن جو السوق نايم جداً ، والأسعار مولعة نار من اول العلف والذرة اللى بقى سعرها دلوقتى بـ 90 جنيه ، لحد سعر اللحمة فى السوق" .

وعن سبب ارتفاع الاسعار وعدم الإقبال على الشراء قال؛ المعلم إن ارتفاع اسعار اللحمة بيجى من المربى اللى بيجيب الغنمة صغيرة ويربيها وبيبقى عايز يبعها بالشيء الفلانى ويخسرنا احنا، وبالطريقة دى بيوتنا بتخرب" .

وعندما سألناه عن حملة "بلاها لحمة" التى دشنها مجموعة من النشطاء، أوضح المعلم عادل؛ أن اللى بيشترى بيشترى ملهوش علاقة بحاجة خالص، اللى هيضحى هيضحى عشان شرع ربنا قاله ضحى يارب ميشوفش اللحمة اتنى طول السنة مش هتفرق مع الفلاح أو المزارع" .

واعتبر أن الزبون هو رمانة الميزان فى المعادلة المحيرة، قائلاً" السعر غالى فالزيون، بدلا من انه يقوم بشراء الاضحية "عجل" يشترى خروف" بدلا من انه يشترى "خروف" يشترى جدى" وهكذا، فالزبون هيتعامل بذكاء مع الحكومة والتجار" .

وتابع أن الجزارين يحتاجون الى نقابة تطالب بحقوقهم، "مفيش نقابات حالياً كان فيه زمان جدا حاجة زى جمعية فى المدبح بتاع السيدة ..و تلغت "و "البطاقة مكتوب فيها جزار ومعرفش اجدد فيها شيء.. انا شغال بما يرضى الله بيقولولى روح هات كارنيه مزاولة مهنة"، لازم اشتغل عند حد عنده تأمينات وضرايب وده صعب جدا بعد فترة عمل كبيرة" .