عربية الكبدة.. مشروع مربح

لا يكاد يخلو شارع من شوارع القاهرة والمحافظات من عربة كبده ، فهى مشروع لا يحتاج رأس مال ومتطلبات كثيرة ، فقط مكان وعربة ومتطلبات بسيط تتلخص الكبده والسجوق واللحم المفروم و السلطات والمخلات والبهارات وأطباق وسكاكين وشوكك ، نزلت جريدة الفتح اليوم واقتربت من بائعى الكبده وكانت البداية مع
الحاج صالح أحمد محمود العمر51 عاما ، يقف على عربة كبده فى المرج ،وحرفته الأصلية نقاش ، عم صالح احكى لنا كيف بدأت ؟
فى الأصل أنا نقاش و السن تقدم و لا أستطيع العمل على " السقالة " زى زمان و بدأت على عربة كبده مستعملة ، اشتريتها بـ 650 جنيه ،والأمور مشيت والحمد لله ، لغاية ما فى يوم كان فيه حملة للبلدية و كسروا العربة واضطريت اشترى وحده جديدة ، بـ 1300 جنيه من باب الشعرية .

- كم تكلفة المتطلبات لمشروع عربة الكبده مثل الأنبوبة و العدة ؟
حوالى 1200جنيه ثمن الأنبوبة و العدة و كنت مستلفهم و باقى عليه 300 جنيه ، وعلى الله السداد .

- حضرتك مصروفاتك فى اليوم كام ؟
التكلفه اليوميه حوالى 60جنيه ، كيلو الكبده 26بـ 26 جنيه ،نوع مستورد كويس ونوع تانى بـ 12 جنيه وكيلو السجق بـ19 جنيه ، وبتشرى زيت وفلفل وطماطم تكلفتهم 20جنيه وطول ما السوق شغال بشتري تانى والعيش 100رغيف 20جنيه 40رغيف 200جنيه

- بتشترى الكبده والسجق منين يا صالح ؟
الكبده والسجق بيجيبهم من تاجر بيوزع علي الباعه في ميدان المرج .

- هل الكبده مضمونه يا عم صالح ، لها مدة صلاحية ؟
كبده مستورده ،وبعدين معدة المصريين تأكل الزلط والكبده اللى بتقعد لآخر اليوم بأخدها البيت علشان مش عندى تلاجة

- بعد المصروفات العربة بتعمل كام فى اليوم ؟
ممكن 50 أو 60 جنيه ومرات 100جنيه علي حسب السوق والحمد لله ماشيه

- فيه مشاكل لوقفتك فى الشارع يا عم صالح ؟
أنا عايز أعيش ، وبعدين أنا واقف على جنب ،وبالعكس لو الطريق وقف ، احنا بنظمه علشان يمشى والمشكلة كلها فى البلدية ، لما بيظهروا بأخد العربة واجرى ونفسى الحكومة تعمل لنا تراخيص