يجرى وراء لقمة العيش بالحلال

جولة الفتح اليوم في شوارع المرج ألتقت بسمير محمد حسانين العمر 41سنة ، سائق توك توك داخل شوارع المرج (شارع الأنابيب شارع الجمهورية شارع الألج)

كيف بدأت ؟
كنت شغال في محل أحذية ومرضت وبعد رحلة طبية ،تم استئصال كليتى وعودت إلى محل الأحذية و لكن للأسف صاحب المحل قفل الباب في وشى ،لم يقف معى و أخدت قرار بشراء توك توك علشان أعيش ،ودخلت جمعية ب5000جنيه واشتريت التوك توك بالتقسيط وسعره كان 33000بالتقسيط والجملة 27000جنيه وبدفع القسط كل شهر 500جنيه والحمد لله .

لماذا يتجه معظم الشباب إلى " سواقة " التوك توك ؟
لأنه مفيش شغل والحرف وقفت ولو في شغل أنا هنزل أشتغل ،لإن الصيني ضرب السوق وورش كتير في باب الشعرية قفلت.

هل التوك توك يفتح بيت؟
الحمد لله لأن أنا كل شهر بعمل متابعة في مستشفى السيد جلال لأن أنا شايل الكلى وربنا كريم

هل يشترط يكون معاك رخصة؟
لا يشترط وجود رخصة لسواقة التوك توك ولكن غير مصرح لي أن أخرج على الطريق ومرة طلعت خطأ دفعت غارمة 1500جنيه

ما هي المشاكل التي تواجهها؟
الطريق بيوقف بالساعة والساعتين وهناك من يفرض علينا اتاوات والزبون بيفاصل لو أتكلمت بيقولي تعالى نروح القسم
الدولة مش عايزة تطلع لنا تراخيص.

وصيتك للشباب اللى بيفكر يشترى توك توك ؟
اللى عايز يشتغل هيشتغل بس خلى بالك ومش أى مكان تروحه بالليل وتخلى بالك من بعض الزباين علشان التوكتوك مايتسرقش منك .
وكان لنا هذا اللقاء مع صفوت علي طالب جامعي في الفرقة الثالثة كلية أصول دين قسم الحديث وعلومه جامعة الأزهر 23سنة .

كيف بدأت؟
في 2013ذهبت واشتريت توك توك ب20000جنيها جديد وبدأت أشتغل وخط السير في بولاق كاملة من أكتوبر لناهيا ومن أكتوبر للعشرين ومن الطابق لكبري الخشب.

لماذا ترك الشباب الحرف واتكتفوا بالتوك توك؟
لأن كل واحد كان شغال في حرفة وفشل فيها راح أشترى توك توك وأشتغل عليه ،لأنه السواقة مهنة من لا مهنة له دلوقتى .

هل التوك توك يكفى لفتح بيت ؟
الحمد لله يكفي وعندى شغل تانى ولكن بشرط العمل على التوك توك داخل القاهرة والجيزة .

ماهي المشاكل التي تواجهها ؟
أنا طالب جامعي لم توفر لي الدولة أي شغل.
وكذلك تكون هناك مساواة بينى وبين غير المتعلمين وأنا لا أعرف أتعامل بنفس لغتهم.